Хамит Ерғалиев

Менің философиям

Бұл бетте «Менің философиям» атты Хамит Ерғалиев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.03.2022
0
0
1138

Үндемей, төмен үңілсем,
Kөзiмдi жұмсам, ашсам да,
Таппайсың, көңіл,
тыным сен,
Сен жайлы толғау жазсам ба...
Қызықсың көңілім кейде сен,
Қол жетер биік емессің, —
Шалқуың даяр күй десем,
Арманнан арғы елессің.
Дәмем бар алыс қиялдан,
Болса да биік ол аса, —
Күтіп тұр ғажап күй алдан,
Жетерге бойым аласа.
Ұқтың ба, достым, ойымды?..
Мақтанып болғам жоқ әлі
Сыйлаймын шағын бойымды
Ұмтылу үшін жоғары.
Сағат пен жылды сүйіп тең,
Берілем арман, елеске! —
Аласа терек — биіктен
Алысқа маяк емес пе?!

Хамит Ерғалиев менің философиям Хамит Ерғалиев өлеңдері

Пікірлер (0)

Пікір қалдырыңыз

Жиі қойылатын сұрақтар