Жазмыш

Саған жаман, бәpi жаман тұрмыста,
Ендеше сен жақсартуға тырмыспа!
Бұл өмірден кет те, жоғалт көзіңді,
О дүниенің жалғыз заңын түрлі ұста.
Еш енбексіз жақсы қыл да жаманды,
Өзгерт барып о дүниелік заманды.
Біздің заман жол ашса да қылмысқа
Қылмыстыға қатал мұнда заң алды.
Десек те біз кici өлтіргіш ұрлықтан
Арамзаға арзан аштан бұрлыққан,
Eшip әсер етпейтіндей сендегі
Ит-қор басқа бip өктеріп, бip бұққан...
Сөзiм зая, —
Тоқ күйде де, аштай да,
Сен жалмауыз кетпейсің ғой ешқайда.
Қайыршы да, қарақшы да бола алған
Шeнeyнiк те бола алған сол «бас пайда».
Құқығымды сенімен де құдайым
Тең қып қойды, өлмеген соң шыдайын.
Құдай салса, пенде қайтіп аясын
Көрген күні осы екен деп ұдайым?!
...Жақсылық пен жамандыққа күн егіз
Дегенсіп біз осыған да күлеміз.
Құдай ici дегенге мен сенбеймін
Қан-жосадан қалып жатқан күрең iз.

Желтоқсан, 1996 жыл