Бір досыма басалқы сөз

Қайраты жоқ жыламсақ жасық қайғы
Сен асықпай, сен үшін асықпайды.
Ақырын-ақырын жүйкеңді азық eтiп,
Үзілмеген үміттен қашықтайды.
Қалай соған шыдайсың, арланбайсың?..
Өйтсең неге әрнені армандайсың...
Өмip деген емес пе мұң-шаттығын
Бip өзіңе қаратып алғандай шын...
Жөн емес пе қалғанша қасық қаның
Мұңнан ұпай алмаққа асыққаның?..
Жанды жұмса! Жан — құдірет құпиясы,
Емес қой ол арты бос ашық тәнің!-.