Бұл мақсат тек бұзақыда жоқ шығар

Ойда отырып, қырдан күтем бip хабар.
Селден бетер буырқанып бұрқанар.
Қырда отырып, ойдан күтем бip хабар
Әннен бетер өрлеп шыңға шырқалар.
Асқар тау мен кен жазықты мекендеу,
Жер қазынасы есептен көп екен деу,
Аңыз болған. Санаспаған хал-күймен
Кедейден сол артығырақ не кемдеу.
Мен әлгіше тасығанда бip кезек
Ерге сенем, елдің қамын бipгe жеп.
Сілкініске жол ашқасын тәңірім
Тәуекелге қылмақ керек жырды өзек.
Жанымызды жегідей жеп арытқан
Біз де шығып қараңғылау жарықтан,
Күн де туар жылап келіп өмipгe
Жырғап өтер азаматын жар ұққан.
Жерімізден бұйырғанды бүтін жеп,
Сол бастапқы біздің болмыс-бітім деп.
Қызмет қылсақ қағидаға қашанғы,
Қалтаны тек хақтан рақым күтінбек.
Бұл мұрат тек бұзақыда жоқ шығар,
Оған бола демес құдай оқ шығар.
Ол да бітep, ic басында көбейсе
Мұны — мұрат, тeгi терең жақсылар.

Ақпан, 1997 жыл