Жақында осы – Ерхан Болатұлы

Бұл бетте «Жақында осы» атты Ерхан Болатұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 21.12.2022
  • 0
  • 0
  • 797
Жақында осы моргке кірдім,
Сұлқ күйі жатқан өлікті көрдім.
Жанары ашық қалыпты күйі,
Сипалай жаптым өліктің бетін.

Саспайды тіптен қызметкері,
Үйренген тəні көріп үнемі.
Жылы денем суынды демде,
Денесі суып тыныпты демі.

Деді бұл өзі дəулетті кісі,
Бозара семген келбетті жүзі.
Дүние жиған өле-өлгенінше,
Кебінге сыяр ал ендігісі.

Ешкіммен бұрын араласпапты,
Жақын мен жатқа араны ашпапты.
Тиын түгілі бұйымы да жоқ,
Костюмін шешкен жалаңаш қапты.

Жоқ деді деп ем танысы бар ма,
Дегендей қарап тағы сұрар ма.
Ақырғы сөзі кеш Алла депті,
Ақырғы демі таусыларда.

Одан əрі аяңдай бердім,
Тірілер құшақ жаярдай көрдім.
Тірліктің соңы немен бітерін,
Бəріңе келді баяндай келгім.

Кешірші, Алла, кешірші елім,
Бір таңым атпас кешім білемін.
Біреуге менің кесірім тисе,
Қателігімді кешірші менің..


Пікірлер (0)

Пікір қалдырыңыз

Жиі қойылатын сұрақтар

Жақында осы өлеңінің авторы кім?

Ерхан Болатұлы — осы өлеңнің авторы.

Жақында осы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жақында осы өлеңі не туралы?

Бұл өлеңде Ерхан Болатұлы өз ойы мен сезімін көркем түрде жеткізеді.

Жақында осы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері