Шөмішбай Сариев

Болады дейсің не деуге

Бұл бетте «Болады дейсің не деуге» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.03.2022
0
0
879

Болады дейсің не деуге,
Жыр жаздым бүгін Медеуде.
Таппадым іштей асыл сөз,
Медеуді неге теңеуге?!
Айтсам бір сырды жасырмай,
Далама қарап асылдай.
Медеу бұл — тал-тал шашы өскен,
Даламның ойлы басындай.
Медеуде түрлі бастар бар,
Бастарда биік асқар бар.
Сан ғасырлар көздері,
Құпия жұмбақтастар бар.
Медеуде өзен ағыс бар,
Озатын толқын жарыс бар.
Рекордтардың Медеуі,
Қазаққа біткен намыс бар.
Жайқала өскен тұнып тал,
Ғажайып сұлу ғұрып бар.
Армандай биік Алатау,
Медеуде үлкен үміт бар.
Үмітпен келдік Медеуге,
Сөз де жетпес теңеуге.
Ғажайып дүние айдала,
Болады бұған не деуге?!
Білмей де қойдым не деуін,
Таппай да қойдым теңеуін.
Үміттің ұлы шыңдары,
Медеуім менің, Медеуім!

Шөмішбай Сариев болады дейсің не деуге Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар