Өлең, жыр, ақындар

Болады дейсің не деуге

  • 30.03.2022
  • 0
  • 0
  • 830
Болады дейсің не деуге,
Жыр жаздым бүгін Медеуде.
Таппадым іштей асыл сөз,
Медеуді неге теңеуге?!
Айтсам бір сырды жасырмай,
Далама қарап асылдай.
Медеу бұл — тал-тал шашы өскен,
Даламның ойлы басындай.
Медеуде түрлі бастар бар,
Бастарда биік асқар бар.
Сан ғасырлар көздері,
Құпия жұмбақтастар бар.
Медеуде өзен ағыс бар,
Озатын толқын жарыс бар.
Рекордтардың Медеуі,
Қазаққа біткен намыс бар.
Жайқала өскен тұнып тал,
Ғажайып сұлу ғұрып бар.
Армандай биік Алатау,
Медеуде үлкен үміт бар.
Үмітпен келдік Медеуге,
Сөз де жетпес теңеуге.
Ғажайып дүние айдала,
Болады бұған не деуге?!
Білмей де қойдым не деуін,
Таппай да қойдым теңеуін.
Үміттің ұлы шыңдары,
Медеуім менің, Медеуім!



Пікірлер (0)

Пікір қалдырыңыз

Қыс пен көктем

  • 0
  • 0

Жұтқан қарды талшықтап,
Оянғандай қанша ұйықтап.
Ойдым-ойдым қар жатыр,
Қаратауды айшықтап.

Толық

Испан қызы

  • 0
  • 0

Испан қызы биле-биле, биле сен,
Биді сондай билер ме едің сүймесең,
Биді сондай билер ме едің өрт болып,
Махаббатты отына сен күймесең,

Толық

Қуаныш па кеудесі, мұңды ма еді?

  • 0
  • 0

Қуаныш па кеудесі, мұңды ма еді?
Жасамыс жүрегіне сыр бүгеді.
Ақсақалға жыр етіп жастық шағын,
Көк теңіз толқын атып дүрлігеді.

Толық

Қарап көріңіз