Шөмішбай Сариев

Күнәмді кешір, болса егер

Бұл бетте «Күнәмді кешір, болса егер» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.03.2022
0
0
1053

Күнәмді кешір, болса егер,
Жаратқнн Құдай — сол шебер.
Пендеңнің бірі мен едім,
Азапты мүмкін мол шегер.
Азаптан басқа жоқ қайғы,
Ажал оғын оқтайды.
Қарттыққа мәңгі дауа жоқ,
Түбінде жүрек тоқтайды.
Тығырыққа тірелер,
Өлім барын біле бер.
Балаңдай жастар алдында,
Қартаю да бір өнер.
Талай мұң бар меңдеген,
Ойлай-ойлай тербелем.
Жастығым қолдан сусыды,
Сол қарттыққа мен келем.
Не көрмедік, не көріп,
Бастым қадам бөгеліп.
Құдай жазса қайтеміз,
Қартайып та көрелік.

Шөмішбай Сариев күнәмді кешір болса егер Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар