Өлең, жыр, ақындар

Вальс үні – таңғы арай

  • 01.04.2022
  • 0
  • 0
  • 1068
Вальс үні – таңғы арай,
Қызғалдақтар билеп жатыр көңілдерге күй еніп,
Сезбедіңдер, мұңаймаған жандар-ай,
Ол тұрғанын балдағына сүйеніп,
Бұрқыратты көк шылым,
Ой теңізге сүңгітті ме бойдақтық?
Қондырдық па жарасына көк шыбын,
Әлде мұнын ойнаттық?
Жүріп өткен күндерде,
Жатыр әні бір аяқ пен бір балдақтан із қалып.
Жігіттермен билеп жүрген гүлдерге
Ол тұр қарап қызғанып.
Жо-жоқ, досым, аяқты
Қызғанған жоқ, көпсінген жоқ біздерден.
Тек ол өзін мүсіркепті, аяпты
Көңіліне күз келген.
Балдақ оның қолында,
Мейлі, биден жақсы ат алмай өледі.
Ал тағдыры ұлы арманның жолында
Ақсата алмай келеді.



Пікірлер (0)

Пікір қалдырыңыз

Ұсыныс

  • 0
  • 0

Қызыл Кітап, Қызыл Кітап тізімі,
Жылдан-жылга кебеюде қызығы...
Азайды Аққулар да, Қырандар да,
Ақ бөкен, Ерке жүйрік Бұландар да,

Толық

Ақын шықты ат арытып торғайдан

  • 0
  • 0

Ақын шықты ат арытып Торғайдан,
Жолығады Бақытына жол қайдан?!
Жүрегінде найзағайша от шашып,
Сол арпалыс, Сол бір айқас, Сол Майдан!

Толық

Ассалауғыма әлейкүм, Елім, Жұртым!

  • 0
  • 0

Ассалауғыма әлейкүм, Елім, Жұртым!
Туған күнім, ағайын, менің бұл күн!
Амандасып қалайын өздеріңмен,
Өзендей өте шығар Өмір бір күн.

Толық

Қарап көріңіз