Өлең, жыр, ақындар

Денсаулық қайтып келмейді

  • 30.03.2022
  • 0
  • 0
  • 1210
Денсаулық қайтып келмейді,
Ажал айтып келмейді.
Өмірге адам сенсе де,
Өлімге адам сенбейді.
Бір-бірін адам жеңсе де,
Ажалды адам жеңбейді.
Дүниені адам көрсе де,
Өз жүрегін көрмейді.
Біртіндеп өмір өтеді,
Біртіндеп ауру меңдейді.
Бесікте жатқан немерең
Төріңе еркін төрлейді.
Ізіңе ерген інілер,
Сенен де асып өрлейді.
Қия алмай бір күн қоштасып,
Ел-халқың сені жерлейді.
Бір сөнген соң қос жанар,
Енді қайтып көрмейді.
Өмір жолы — ағыста,
Өзен жолын бермейді.
Адам көңілі — құс қанат,
Дүние неткен кең дейді.
Қолын көкке созғандай,
Олай да, бұлай сермейді.
Денсаулық қайтып келмейді,
Ажал айтып келмейді.
Тамырсыз өспес бар әулет,
Бәйтерек дәнсіз өнбейді.
Ұрпағы бар жандарды,
Ажал да мәңгі жеңбейді.



Пікірлер (0)

Пікір қалдырыңыз

Зауал, Тұлпар, Уақыт

  • 0
  • 0

Қанатымын жыр атты акиықтың,
Жаңа бетін ашатын тарихтың,
Танысалық, кел бермен келер ұрпақ,
Ақыныңмын!

Толық

Жылы сөзге шөлдедім..

  • 0
  • 0

Адамдардың шапағатына шөлдедім,
Хас сұлудың махаббатына шөлдедім.
Аптап жоқта аңқасы кепкен кеудемді,
Сенбесеңдер қақыратып ашып көр менің.

Толық

Қос шырақ

  • 0
  • 0

Тоғысқан елмен тілегі,
Ақынның өлмес жүрегі.
Алдымда жанған қос шырақ,
Ғажап та ғажап түн еді.

Толық

Қарап көріңіз