Өлең, жыр, ақындар

Перзент үні

  • 01.04.2022
  • 0
  • 0
  • 818
Халқым бұл, топырағым өсіп өнген,
Өзімен ұлы өмірдің кешіне енгем.
Қалайша қайран тілін ұмытайын
Ақ сүтті жан анамның төсін емген.
Қан да бар жүрегімде қаным десем,
Жыр оянып кетеді жанымда әсем.
Ұлан байтақ көсілген
Уа халқым,
Аруағым,
Намысым,
Арым да сен!
Ұққан сайын пірім деп
Өзіңді асқан,
Көкірегімде күй кернеп,
сезім тасқан.
Мен қуанам –
Жүзіңде күлкі ойнаса,
Сен жыласаң –
Құрғамас көзім жастан,
Талай ұрпақ таң болып атыпты мың,
Орнатып жүрегіне –
жақұтты күн...
Теңізіңе қосылған көз жасындай,
Бір тамшыңа айналсам
бақыттымын!



Пікірлер (0)

Пікір қалдырыңыз

Күзде құстар тастап ұшар ұясын...

  • 0
  • 0

Кезем десең дүние неткен кең еді,
Теңіздерден көрем жүзген кемені.
Тұрақтамай көкте бұлттар жөңкілген,
Тұрақтамай жел де сапар шегеді.

Толық

Біреуге еркелейтін Заман ба осы

  • 0
  • 0

Біреуге еркелейтін Заман ба осы,
Бәрі де ағайынның аман болсын.
Қарбаласқан дүние арасымен,
Бастады тәуелсіздік далам көшін.

Толық

Өмірден айналайын Өмір – Анам

  • 0
  • 0

Өмірден айналайын Өмір – Анам,
Бір түрлі неге болсын көңіл алаң.
Құдай берген тіршілік сенің арқаң,
Кездесіп жақсылармен жолыға алам.

Толық

Қарап көріңіз