Өлең, жыр, ақындар

Муза — менің мұратым

  • 03.04.2022
  • 0
  • 0
  • 681
Муза, сен мұратымсың, мұң-қайғымсың?
Мұң-қайғымды сен бірақ тыңдаймысың?
Арманның ащы дәмін жұта-жұта,
Өкініп өтер ме екен бұл байғұсың?
Муза, сен мұратымсың, бал шағымсың,
Құлыншақ, құлын тайдай бар шабысың;
Баянды, баянсыздау бақытымдай
Басымнан үркіп ұшқан қанша құсым?
Муза, сен мұратымсың, жастығымсың,
Ашынсам ағыл-тегіл ащы үнімсің.
Жылай алмас жүректі жігіттейсің,
Іркіліп, жанарыма жас тығылсын.
Муза, сен мұратымсың, бақ талайым,
Алдында арманды айтып ақталайын.
Тірлікте бостан-босқа құр қол кетіп,
Мен қалай құрдымыңа аттанайын?
Муза, сен мұратымсың, ар-намысым,
Ар-намыс биігіне самға, құсым.
Құп-құйттай дүрсілдеген жүрегімнің
Үп-үлкен миға сыймас арманысың!
Муза, сен мұратымсың, мұратымсың,
Мұхиттың толқынындай сұрапылсың,
Өңімде маза бермей елес болып,
Түсіме енетұғын ұлы ақынсың.



Пікірлер (0)

Пікір қалдырыңыз

Заула, тұлпар уақыт ертеңіме

  • 0
  • 0

ЗАУЛА, ТҰЛПАР УАҚЫТ, ертеңіме,
Қиял-ғажап шежіре шертеді ме?
Болатын бір бақытқа ертегіде,
Жеткіз мені жалыңнан мен ұстадым,

Толық

Шөлдеуменен өтемін

  • 0
  • 0

Шөл даланың ұлымын,
Шөл далада көп жүрдім.
Шөл даланың ұлымын,
Шөл даланы төр білдім.

Толық

1932

  • 0
  • 0

«Қаратаудың басынан көш келеді...
Көшкен сайын бір тайлақ бос келеді...»
Көшпелі ата қазақ нар қомында,
Бостандық, кендік аңсап өскен еді.

Толық

Қарап көріңіз