Өлең, жыр, ақындар

Ән

  • 07.04.2022
  • 0
  • 0
  • 1260
Өркеш-өркеш, өрелі құмдарымен,
Тіркес-тіркес, төбелі шыңдарымен,
Қасіретті қайғы-мұңға қарамай,
Ән тербеген қайран менің далам-ай!
Әншіл жүрек қайран менің бабам-ай!
Күмбір-күмбір, ағатын бұлағымен,
Сылаң-сылдыр, қағатын құрағымен,
Қасіретті қайғы-мұңға қарамай,
Ән тербеген қайран менің далам-ай!
Мөлдіреген көгенкөз көлдерімен,
Шетсіз-шексіз, меңіреу шөлдерімен,
Қасіретті қайғы-мұңға қарамай,
Ән тербеген қайран менің далам-ай!
Әншіл жүрек қайран менің бабам-ай?
Асу, асу, әр тарау жолдарымен,
Орам-орам, сан тарау орманымен,
Қасіретті қайғы-мұңға қарамай,
Ән тербеген қайран менің далам-ай!
Әншіл жүрек қайран менің бабам-ай!
Арманы көп, Ата мекен жерімен,
«Елім-айлап», еңіреген елімен,
Қасіретті қайғы-мұңға қарамай,
Ән тербеген қайран менің далам-ай!
Дүрсілдеген, жүрек үні тынбаған,
Сазды әуенге, арқа сүйеп тұр ғалам,
Осынша жер болар ма еді-ау халқыма,
Ән әлдилеп, ән салмаса бұл ғалам!



Пікірлер (0)

Пікір қалдырыңыз

Баласы екен Шектінің

  • 0
  • 0

Баласы екен Шектінің,
Баласы екен Тектінің,
Текті болсаң текті бол,
Болса-дағы көп мұңың,

Толық

Шығыс аңызы

  • 0
  • 0

Зұлымдықпен үшеуі әділетсіз күштеді,
Өлмес үшін қабірге қарсы келмей түс деді.
Бізге керек тісі деп көрде жатқан өліктің,
Үңірейіп ажалдың алты көзі төніп тұр.

Толық

Туған жерден қызғалдақ гүл жиюмен

  • 0
  • 0

Туған жерден қызғалдақ гүл жиюмен,
Ата-ананың алдында бас июмен.
Қимай-қимай қоштасты ғой өмірде
Балалығым мәңгі анамды сүюмен!

Толық

Қарап көріңіз