Өлең, жыр, ақындар

Оянсам ойландырып таң тұрады

  • 08.04.2022
  • 0
  • 0
  • 868
Оянсам ойландырып таң тұрады,
Жүректе сиқырлы бір ән тұрады.
Тоңып-мұздап күздегі жапырақтай,
Жаным менің неліктен қалтырады?
Толғанып тебіренер кезімбісің,
Толқындатып барады сезім күшің.
Дүрсілің де өзгеше танымаймын,
Әй, Жүрек, әй, Жүрегім, өзіңбісің?
Тіршілікте өзіңсің тірек-сенім,
Табиғи болмысыңмен тілекші едің.
Дүрсіліңде өзгеше бір сырың бар,
Бір сырың бар ерекше, Жүрек сенің!
Не дейді мен жайлы ертең толы халық,
Білерім мақсат-айқын, жолым анық.
Адам өтер өмірде өз көзімен,
Көре алмай өз жүрегін қолына алып...
Дүниеге келгенде шындап келіп,
Тіршіліктің тынысын тыңдап көріп.
Адам өтер өмірден Абай айтқан,
Құпия жүрегіндей жұмбақ болып!



Пікірлер (0)

Пікір қалдырыңыз

Букенген сарайы

  • 0
  • 0

Букенген сарайына тіл жетпейді,
Күллі әлем қасиеттеп құрметтейді.
Жанарын жаулап алып бір құдірет,
Көрген жан жүрегіне гүл көктейді

Толық

Қуаныш па кеудесі, мұңды ма еді?

  • 0
  • 0

Қуаныш па кеудесі, мұңды ма еді?
Жасамыс жүрегіне сыр бүгеді.
Ақсақалға жыр етіп жастық шағын,
Көк теңіз толқын атып дүрлігеді.

Толық

Ғабеңмен алғаш кездесу...

  • 0
  • 0

"Кімсің?" — дедің жаңа сен,
Жан-жағыңа қара сен.
Ашып айтсам мен саған,
Ғабеңнің күйеу баласы ем.

Толық

Қарап көріңіз