Шөмішбай Сариев

Бақыт қой бұл өмірге бір келгенім

Бұл бетте «Бақыт қой бұл өмірге бір келгенім» атты Шөмішбай Сариев жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

08.04.2022
0
0
1292

Бақыт қой бұл өмірге бір келгенім,
Дүние жанарынан нұр көргенім.
Көп ойлар сайрап жатыр көкейімде,
Көбіне көзім жетіп үлгермедім.
Алдымда бұлақ жатты шөл қанатын,
Теңіз жатты толқыны толғанатын.
Өзен жатты, алдымда жатты дария,
Құсымен жайды кұшақ көл қанатын.
Тереңдік тартты мені тұнған мұңға,
Шөл деген — мәңгілік шөл, бір қандым ба?
Көлге де шомылсам да жайды құшақ,
Дарияда жүзсем-дағы тұрды алдымда.
Көл, бұлақ, теңіз қанша нұрлы небір,
Дария, өзен қанша сырлы не бір...
Тұңғиық тереңіне сүңгісем деп,
Жағаңда, тік жарыңда тұрмын, Өмір!

Шөмішбай Сариев бақыт қой бұл өмірге бір келгенім Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар