Шөмішбай Сариев

Бетбұрыс

Бұл бетте «Бетбұрыс» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

08.04.2022
0
0
1035

Бастау қажет бәрін қайта жүректен,
Жүрек қана дүниені жыр еткен.
Жүрек қана жүректерге ғашық боп,
Жүрек қана жүректерге гүл еккен!
Баста бәрін жүрегіңе жүгініп,
Жүректерден жаратылған ұлы үміт.
Мәңгі өмірге бір-ақ келген жолаушым,
Өз жолыңа қайта қара бұрылып!
Нелер жақын, нелер саған алыс тұр —
Балалық пәк адалдықпен салыстыр.
Өлшенеді сендегі ұлы мақсатпен
Құпиялы шетсіз-шексіз ғарыш бұл!
Адастырған аждаһадай сан арбап,
Зұлымдықтар — бала кезден саған жат.
Қас қағымын тіршіліктің ойласаң,
Баста бүгін жүрегіңнен, Адамзат!

Шөмішбай Сариев бетбұрыс Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар