Шөмішбай Сариев

О, замандас

Бұл бетте «О, замандас» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.04.2022
0
0
945

Түсін мені,
Замандасым, ғасырлас.
Шөл даламның
Махаббаты басылмас.
Шөл даламның
Бекер бұлты ашылмас,
Түсін мені,
Замандасым, ғасырлас!
Шөл даламның
Ғашық дерті басылмас,
Шөл даламның
Асыл дерті басылмас,
Сүйген жанға
Жан-жүрегін жасырмас.
Шөл даламның
Ғашық дерті басылмас.
Қонған бағы
Ырыс-байлық азық тұр.
Ұшқын емес,
Қос қанатын жазып бір
Шөл даламның
Төзіміндей сексеуіл,
Шөл даламның
Махаббаты нәзік гүл.
Қуана да,
Білетін бұл – шөл далам.
Мұңая да
Білетін бұл – шөл далам.
Жұбана да,
Білетін бұл – шөл далам.
О, Замандас!
Атыңды айтшы сен маған?!
Менің демім –
Тыныс алған Ел демі.
Жанымды ұғар
Жан болсаңыз зерделі
Шөл даламды
Түсінесін сен ақыр
О, Замандас,
Түсінгенде сен мені?!

Шөмішбай Сариев о замандас Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар