Шөмішбай Сариев

Тілдесем таудың биік шыңдарымен

Бұл бетте «Тілдесем таудың биік шыңдарымен» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.04.2022
0
0
814

Тілдесем таудың биік шыңдарымен,
Мұңаям – бұл даланың
мұңдарымен.
Шөл даланың ұлымын,
шөл даланың —
Келемін бірге шөлдеп
Құмдарымен.
Кездесіп дүниенің гүл шоғымен,
Бұлаққа аңқам кеуіп сусадым мен.
Шөл даланың ұлымын,
шөл даланың –
Келемін бірге шөлдеп
жусанымен.
Дүниенің осынау жалғаны кең,
Бақытқа бір қану бер,
арманым ең,
Шөл даланың ұлымын,
шөл даланың –
Келемін бірге шөлдеп
нарларымен.
Төздім мен
аптабы ыссы күндеріне,
Жаныммен жүлдыз шашып
түндеріне.
Ғашық болып шөлдедім
бұл далада,
Асық болып шөлдедім
гүлдеріне!

Шөмішбай Сариев тілдесем таудың биік шыңдарымен Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар