Өлең, жыр, ақындар

Әйел – өмір бұлағы

  • 11.04.2022
  • 0
  • 0
  • 1023
Әйел – өмір бұлағы,
Әйел – өмір шуағы.
Әйел деген қызғаныш,
Қызғаныштан тұрады.
Әйелді аңсап асықтық,
Шалқып жүрек тасыттық.
Қызғанышта – махаббат,
Қызғанышта – ғашықтық.
Білем әйел көркемін,
Ойлар бүгін, ертеңін.
Қызғанбаса – әйел ме,
Қызғанбаса еркегін.
Әйел – адам ол дағы,
Махаббатты толғады.
Қызғанышы әйелдің,
Өрт болмаса болғаны.
Әйел – сұлу еркелер,
Әйел – күйің шерте бер.
Қызғаныш та қызыл өрт,
Жел сөзбенен өртенер.
Қызғаныш – өрт сөнбейді,
От боп сүйе бермейді.
Қызғаныш өрт бел алса,
Өртің ие бермейді.
Қызғаныш өрт бел алып,
Басқа ұрғаннан сақтасын.
Тас қылғаннан сақтасын,
Қызғаныш өрт бел алып,
Асқынғаннан сақтасын.
Әйел – өмір, қозғалыс,
Сөз – мылтық та, сөз – намыс
Алдын алмай болмайды,
Әйел өрті қызғаныш!..
Әйел дерті — Қызғаныш!



Пікірлер (0)

Пікір қалдырыңыз

Гете — Лермонтов — Абай

  • 0
  • 0

Өлең болып өркеш-өркеш шыңдары,
Танытам деп таудай биік тұлғаны.
Ақын Гете осы жырды, әйтеуір,
Өз халқының жүрегімен жырлады.

Толық

Быт-шыт болар бар сенім

  • 0
  • 0

Быт-шыт болар бар сенім,
Қаһарлы ханның билігі қиын.
Қию қашқан нәрсенің,
Икемге келіп, илігуі қиын.

Толық

Алла атымен...

  • 0
  • 0

Ойға оралып небір сыр
Тай-құлындай дүбірлес,
Алла атымен өмір сүр,
Алла атымен ғұмыр кеш.

Толық

Қарап көріңіз