Өлең, жыр, ақындар

Әйел деген әйел ғой

  • 11.04.2022
  • 0
  • 0
  • 716
Әйел деген әйел ғой,
Бізге әйелсіз ауа жоқ.
Әйел деген әйел ғой,
Әйелдікке дауа жоқ.
Әйелі болсын қай елдің,
Шығу қиын қыстауда.
Бар есебі әйелдің,
Бір күйеуін ұстауда!
Еркек деген еркек қой,
Ерлік тұрар ойында.
Еркек деген еркек қой,
Намыс тұрар бойында.
Еркек әйел алдында,
Биіктеген сан ерлер.
Еркек әйел алдында,
Өзін-өзі дәлелдер.
Қарауменен әйелге,
Талар екі көзі де.
Дәлелдеумен әйелге,
Биіктейді өзі де.
Әйел-еркек арасы,
Қосу болар бастарын.
Әйел-еркек арасы,
Жақындауы қас-қағым.
Алыстауы әйел-еркек арасы,
Сезім жанып тынғанша.
Алыстауы әйел-еркек арасы,
Көзді ашып-жұмғанша.
Сондықтан да әйел-еркек қашанда,
Сақтау үшін ұятты.
Сондықтан да әйел-еркек қашанда,
Қалт жібермес шекарашы сияқты.
Шекараны бұзғаның,
Сатылатын сияқты.
Шекараны бұзғаның
Алдын-ала атылатын сияқты...
Тасқа ұрып бастарын,
Еркектердің жанарында шоқтар тұр.
Қалт жібермес қас-қағым,
Әйелдердің көздерінде оқтар тұр...



Пікірлер (0)

Пікір қалдырыңыз

Журналист

  • 0
  • 0

Экрандарға —
Көздердің қараттың бәрін,
Эфирлерден —
Өмірдің тараттың әнін.

Толық

Домбыра туралы баллада

  • 0
  • 0

Күй ойнайды қазағымның қанында,
Күй ойнайды қазағымның жанында.
Жүрегінің, жүрегінің, жүрегінің дүрсілі –
Күмбірлеген домбырасы барында.

Толық

Паровоздай түйеміз боздап қойып

  • 0
  • 0

Паровоздай түйеміз боздап қойып,
Ботасы үйде қалғанын қозғап қойып,
Жарысар жанды нәрсе болмаса да,
Желеді —

Толық

Қарап көріңіз