Өлең, жыр, ақындар

Бердің тағдыр бастан қандай

  • 13.04.2022
  • 0
  • 0
  • 523
Бердің тағдыр бастан қандай,
О, Құдірет асқан Аллай!
Өзіме-өзім бастық болдым,
Өзімді-өзім басқара алмай.
Бағыменен бір Алланың,
Заңыменен бір Алланың.
Өзім-өзім завод болдым,
Қағаз-қалам құралдарым.
Халқым үшін керек еді,
Бұл бір завод бөлек еді.
Шикізатым ойлар болды,
Өнімдерім – өлең еді.
Талай ойлар тербеп өтті,
Кейбір ойлар желге кетті.
Ең бір таза қазынам боп,
Өлең – өнім елге жетті.
Айтар ойы, ақылы көп,
Жыр-өлеңнің жақыны көп.
Сол заводты мен басқардым,
Бұл қазақтың ақыны боп.
Жаратқан ғой бастан Аллай,
Кездерім көп сасқан Аллай.
Жалғыз ғана қызметкер,
Өзімді-өзім басқара алмай.
Алатауды жастана алған,
Тәуелсіз Ел. Асқар арман.
Елбасына мың-мың алғыс,
Туған халқын басқара алған.



Пікірлер (0)

Пікір қалдырыңыз

Күре жол

  • 0
  • 0

Жолдар бар қосылатын әр елдегі,
Көрмеген жолдар қанша әлемдегі,
Күре жол бойындағы сол кездесу,
Өмірдің бір қызығын дәлелдеді.

Толық

Амансың ба, көзкөрген

  • 0
  • 0

Амансың ба, көзкөрген,
Дүние мынау өзгерген.
Аға ұрпақтар аялдап,
Жас ұрпаққа сөз берген.

Толық

Көре-тұғын дүниені жанар бер

  • 0
  • 0

Көре-тұғын дүниені жанар бер,
Тұлпар аттай шарқ ұрып ағар, бел,
Анамдай боп маңдайымды сипаған,
Айналдым мен, айналайын, самал жел.

Толық

Қарап көріңіз

Басқа да жазбалар