Өлең, жыр, ақындар

Түйе

  • 13.04.2022
  • 0
  • 0
  • 780
Түйе десе жүрегім толғанасың,
Аруана нарлардың жолда-анасы.
Мен осы бала күннен түйе досым,
Балалық шақ дәурені – көл жағасы.
Көл-қайықтың ескегін ескен елім,
Балалық дәуренді мен кешкен едім.
Түйенің өркешіндей биік бар ма,
Сол өркеш биігінде өскен едім.
Қанатын түйе үстінде бала қақты,
Алдымызда көсіліп дала жатты.
Жарықтық аруана өркешінде,
Бал шағым серуен салып бара жатты.
Түйе жайлы жаза алам көркем етіп,
Түйе жайлы айта алам ертек етіп.
Мойнына да оралды бала шағым,
Аруана сол түйем еркелетіп.
Өнерім көп болатын елден де өзге,
Таңсық болып көрінген көрген көзге.
Түйенің өркешінде тік тұрамын,
Аруана жарықтық желген кезде.
Табысқан арманменен айқаса үміт,
Бұл да бір өнер екен байқаса ұғып.
Ойынды көрсеткенмін цирктердей,
Бауырына оралып қайта шығып.
Түйе үстінде серуен құратынмын,
Өркешіне ілініп тұратынмын.
Балалық еркелікке көнетін-ді,
Аруана түйесі – ұлы ақынның!



Пікірлер (0)

Пікір қалдырыңыз

Әкеммен қоштасу

  • 0
  • 0

Алқа-қотан отырмыз дөңгеленіп,
Арыстай әкем жатқан төрге келіп.
Бейнетпен көз ашса да дәл осылай,
Өмірде шаршағанын көрмеп едік.

Толық

Жұлдыздардай зымырап жиі ақты жыл

  • 0
  • 0

Жұлдыздардай зымырап жиі ақты жыл,
Әйелдің бәрі бірдей ұятты гүл.
Әйелдердің көргенін еркек көрсе,
Өмірден баз кешетін сияқты бір.

Толық

Айналайын, Алматым

  • 0
  • 0

Әлем көрдім, жер көрдім,
Талай-талай ел көрдім,
Көрдім талай шаһарды,
Тебірендім тербелдім.

Толық

Қарап көріңіз

Басқа да жазбалар