Шөмішбай Сариев

Мен қазақпын дегеннің арманы бір

Бұл бетте «Мен қазақпын дегеннің арманы бір» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
792

Мен қазақпын дегеннің арманы бір,
Бұл адамға бәрі де алда ғұмыр.
Тамырларың тереңге тартып өсіп,
Бәйтерек жапырағы жалға ғұмыр.
Мен қазақпын дегеннің жаны басқа,
Ақыл-ойдың теңізі – бәрі баста.
Әр адамның өмірде орны бөлек,
Күн мен Ай келмес мәңгі айырбасқа.
Мен қазақпын дегеннің жаны да бір,
Кез болған кездейсоқты бағыма жыр.
Сен мені шын сүйгенің рас болса,
Алыс шалғай жерлерде сағына жүр.
Мен қазақпын дегеннің жолы да бір,
Бес елі мандайдағы соры да бір.
Мәңгілік болмағанмен аңда-санда,
Кездейсоқ бақытыңмен жолыға біл.
Мен қазақпын дегеннің ары басқа,
Ары басқа жандардың жаны басқа.
Кеше, бүгін майданның жалғасындай,
Қазақ үшін күресті тағы баста!..

Шөмішбай Сариев мен қазақпын дегеннің арманы бір Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар