Өлең, жыр, ақындар

Құла айғыр

  • 13.04.2022
  • 0
  • 0
  • 1110
Бақ сыйлап маған Құдай бір,
Алай бір шаптым, былай бір.
Мінгенім менің асау ой,
Сымбаты сұлу құла айғыр!
Құлаймын-ай демедім,
Алдан бәрін көремін.
Жаралған тұлпар тұяққа,
Далам неткен кең едің.
Дидарға қонды шырай бұл,
Бақыт па, бақ па, сұрай жүр?!
Ұнайды маған осы бір
Шабандоз жүйрік құла айғыр.
Жолдар қалар күнде ізден,
Құла айғыр асау жүр бізбен,
Балалық шақта сонау бір,
Нағашы атам мінгізген.
Көздегі жанған шырақпен,
Аңсаған арман мұратпен,
Шабатын едім құмменен,
Шабатын едім қыратпен.
Жыр сыйлап маған құдай бір,
Алай бір шаптым, былай бір.
Балалық шақты бақытты,
Есіме салды құла айғыр!
Сипаймын жалын түлетем.
Кеудеме ойды түнетем,
Кеудемде менің құла айғыр,
Балалық шағым тірі екен.



Пікірлер (0)

Пікір қалдырыңыз

Қанша заман осылай жер басып ең

  • 0
  • 0

Қанша заман осылай жер басып ең,
Туған елім қашанда төрге асық ең,
Осылай хандық дәуір аяқталып,
Өткен ғасыр кезікті Елбасымен!

Толық

Келді көктем қайтадан салады өрнек

  • 0
  • 0

Келді көктем қайтадан салады өрнек,
Хош иісі көк шөптің дала кернеп.
Сағынышпен құстарды қарсы алуға,
Гүл қаптап тау төбені барады өрлеп.

Толық

Ақтық демім қалғанша

  • 0
  • 0

Жыр жазу деген затында,
Жұлдыз боп жану түнекте.
Еркіндік қажет ақынға,
Бостандық керек жүрекке.

Толық

Қарап көріңіз