Шөмішбай Сариев

Испания түні

Бұл бетте «Испания түні» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
595

Толқыныма толқын қосты көңілім,
Мазмұныма мазмұн қосты өмірім,
Испания түні маған сыйлады,
Қия алмайтын бір жұлдызын көгінің.
Қиялымен көзін жұмып қанша адам,
Айлы түнді армандаумен аңсаған,
Испания түнін сүйдім ең алғаш,
Жан-жағынан жұлдыздары самсаған.
Тұңғиық түн енгендей бір сағымға,
Теңіз толқын айналғандай ағынға,
Испания түні қалды жүректе,
Испания түні қалды жадымда.
Жүрегіме жыр да тұнды, күй тұнды,
Түні бойы қашырды бар ұйқымды,
Испания түні көркем көрікті,
Толып туған ай арудай сүйкімді.
Куә болып таудың басқан шыңдары,
Жүрек ұйып әнін әсем тыңдады.
Испания түні қалды мәңгілік,
Құпиялы ұлы өмірдің жұмбағы.

27 маусым 2014 жыл

Шөмішбай Сариев испания түні Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар