Өлең, жыр, ақындар

Қазақтың ұлы актері Тұңғышбай Жаманқұловтың перзенті – Рүстем мен келінге – Автордан!

  • 15.04.2022
  • 0
  • 0
  • 611
Бір-бірінен бірі озған тілі үстем,
Бір-бірінен бірі озған бірі үстем.
Әкесі оның ұлы актер Тұңғышбай,
Ұлы өнер әулетінен Рүстем!
Сонадайдан жұлдыз-айдай көрінген,
Өнерге адам келер әркез сенімен.
Сол Рүстем Ашхабадта кездесіп,
Дәмді жайды алдымызға келінмен.
Ал, Рүстем, айналайын өзіңнен,
Әкең қарап тұрғандайын көзіңнен.
Түркіменстан топырағында жүздесіп,
Табыстық біз туған елге сезіммен.
Қуандық та, кейде біздер торықтық,
Шет-шалғайда сағыныш бар соны ұқтық.
Махтымқұлдай ақын туған жерде біз,
Ұлы Абайдың ұрпағы боп жолықтық.
Тұңғышбайдың өзі болып келгесін,
Тұңғышбайдың көзі болып келгесін,
Бұл Рүстем күліп алдан шыққанда,
АҚШ қалай ықыласқа көнбесін.
Тұңғышбай да бізбен бірге төрдесің.
Бүгін міне Рүстемге тілерім,
Шалқып-тасып әкеңдей боп жүрегің.
Кім болса да ұрпақ болсын қазаққа,
Ұрпақтарың сүйінердей Ұлы Елдің!
Уа, Рүстем, туған жұртың бөледі ел,
Бар қазаққа Уа, Құдайым, бере гөр.
Келінменен қанатыңды кең жайып,
Жер жаһанның бар қызығын көре бер!
Ал, Рүстем, мамыра жай жатса көк,
Бұлбұлдары сайрай-тұғын бақша көп.
Актер, Ақын екеуін де еске алып,
Сенен туған бір ұрпағың патша боп...

27 желтоқсан 2010 жыл



Пікірлер (0)

Пікір қалдырыңыз

Әкеммен қоштасу

  • 0
  • 0

Алқа-қотан отырмыз дөңгеленіп,
Арыстай әкем жатқан төрге келіп.
Бейнетпен көз ашса да дәл осылай,
Өмірде шаршағанын көрмеп едік.

Толық

Өз күшін өзі болып байқап алғаш

  • 0
  • 0

Өз күшін өзі болып байқап алғаш,
Тұлғалар қалды өмірде қайталанбас.
Абай мен Пушкин ақын дәл осылай
«Қайталанар» деп ешкім айта да алмас.

Толық

Айқассаң айқас бел буып

  • 0
  • 0

Айқассаң айқас бел буып,
Алайда-дүлей жел қуып.
Адалдық үшін күрессең,
Жететін меже — жер жуық.

Толық

Қарап көріңіз