Өлең, жыр, ақындар

Елдің қамы - елбасының жолдауы

  • 15.04.2022
  • 0
  • 0
  • 773
Халқым күткен Елбасының жолдауын,
Елбасымыз күткен Елдің қолдауын,
Бізге керек түсіністік, парасат,
Бәрі осы ақындықтан толғауым.
Елбасының ойлайтыны – Ел қамы,
Зиялы елді тебіренту толғамы,
Қазақ деген елге керек осынау,
Елде бірлік, ынтымақтың болғаны.
Перзентімен тербетілер жер бесік,
Бұл Заманда күрес керек бел шешіп,
Елбасының жолдауында жыл сайын,
Бір жаңалық көтереді еңсесін.
ТӘУЕЛСІЗДІК! Сақтау үшін не керек,
АНА ТІЛІН, ақтау үшін не керек,
Туған елі – қалай-қайтіп ел болар,
Туған жері – қалай-қайтіп көгерет?!
Бар қасиет, барлық шындық бар мұнда,
Жапырылып майысатын шалғын да,
Бәрін айтып тебіренді Елбасы,
Тура айтып Туған Елі алдында!
Жалғыз Отан! Қазақ деген жұрт барда,
Жүрегімен ұғынатын ұлт барда,
Жаны ауырып, ақтарылып жүрекпен,
Ел алдында шындық өзі шықты алға!
Қазақ едік сан бүгілген азапқа,
Ойға батып, баттық Бүгін ғажапқа,
Есігінен сығалатпас Еуропа,
Төрін өзі сыйлады ғой Қазаққа!
Өз қолында Елдің Ел боп орнауы,
Өз қолында тілдің тіл боп толғауы,
Халқымызды ойға салар тағы да,
ЕЛДІҢ ҚАМЫ – ЕЛБАСЫНЫҢ ЖОЛДАУЫ!..

31 ҚАҢТАР 2010 ЖЫЛ



Пікірлер (0)

Пікір қалдырыңыз

Толғау

  • 0
  • 0

Қара жерге тамыр тартып өндім мен,
Көшпенді едім – тағдырымды жел білген.
Бүгін міне,
Өз АСПАНЫ,

Толық

Көңілім әлі жүйрік

  • 0
  • 0

Қыруар нар-өркешті қырды асса да,
Қуат бар қуып жетер кім қашса да.
Көңілім әлі жүйрік тұлпардайын,
Еңсемді талай өткен жыл басса да.

Толық

Дала тұлпары

  • 0
  • 0

Даламның тұлпарлары жосылды ағып,
Бейне бір көкте жұлдыз қосылды ағып,
Шапқан ат бауырына тартып жерді,
Дүние дөнгеленді сосын барып.

Толық

Қарап көріңіз