Жаңбырдан соң – Гульнази Назарова

Жаңбырдан соң күн шығады жарқырап,
Нұрланады әдемі боп шартарап.
Бүкіл дүние кеткендей ғой жайқалып,
Таңданасың қандай сұлу,о, ғажап!

Жаңбырмен жер көгереді,
Әлемге сұлулықты ол береді.
Жаңбырдан соң таза ауа бойға сіңер,
Денеге де осы емес пе керегі.

Жаңбырдан соң құлпырады жер беті,
Сөз жетпес ау, оның бір кереметі.
Әсем дала ғаламат бір күйге енер,
Бойға қуат берер құстардың да бұл үні.

Жаңбырдан соң көтеріледі көңіліңде,
Жақсылыққа толы болсын өміріңде.
Арманың орындалып әрқашанда,
Жете бергің мақсатың мен мүддеңе.