Біздің апай тамаша – Ақгүл Тұрсынбай

Біздің завуч Мираш апай тамаша,
Өнеріне сан жетпейді санаса.
Домбырада ойнап, ән де салады,
Қуанғанда мәз болады балаша.
 
Жұмыс десе жүгіріп,
Жұмыстан соң қыдырып,
Тамағын да әзірлер
Отбасына үлгіріп.
Біздің апай, біздің апай тамаша.
 
Мираш апай, сізді бәрі мақтайды,
Бойыңыздан артық мін де таппайды.
Қалай ғана мақтамасын, ұжымда
Жұмысына тиянақты сіздей жанды таппайды.
 
ҰБТ деп жар салып,
Жаны пісер соншалық.
Шәкірттері грант алса,
Мәз болады тамсанып.
Біздің апай, біздің апай тамаша!

Күндей жарқын апайымның күлкісі,
Апайдай-ақ болсын, болса бір кісі.
Парасаты тұлғасына жарасқан
Мираш апай-баршамызға педагогтың үлгісі.

Сенбесеңдер сөзіме,
Қараңдаршы көзіне.
Бар болмысы ұқсап тұр
Шын ұстаздың өзіне.
Біздің апай, біздің апай, біздің апай тамаша!