Еске алу. Айман тәтенің атынан күйеуі Сағидуллаға – Ақгүл Тұрсынбай

Жүз күн өтті...
Жадыраған жүзіңді көрмегелі,
Сарғайған сар сағыныш сөнбегелі.
Бізді тастап мәңгілік мекеніңе
Кеткеніңе көңілім көнбеп еді.

Жүз күн өтті...
Айманым деп дауыстап шақырмадың,
Жоқтығыңа бас изеп мақұлдадым.
Ойға түссе өзіңмен өткен сәттер
Көз ілместен ақ таңды атырамын.

Жүз күн өтті...
Жан шошырлық жасардай жарылысын,
Бір алапат қуалап тамыр ішін.
Жан жарым-ау, есіме түсе қалсаң,
Мөлт етеді көзімнен сағынышым.

100 күн өтті...
Жас жүрегің тоқтады, сөнді демің,
Жесір қалған жүрегім тоңды менің.
Амал бар ма, Алланың жазғанына
Қош, Сәкөнім, мен енді көндігемін.