Өлең, жыр, ақындар

Көрші қыз

  • 19.05.2022
  • 0
  • 0
  • 1165
Теңдікке сірә қол жетпес,
Түрмеде мәңгі қалдым ба?
Әйнектен ұшып ән де өтпес,
Сақшы тұр есік алдында.
Өлер ем жұртты кіргізбей,
Болмаса көршім, қымбаттым.
Оянып бүгін біз бірдей,
Мен оған шұлғып ым қақтым.
Болады дейсің кім тірек,
Ортақ ой алар панаға.
Ұқтырған бізді бір тілек
Қос әйнек, қос тор арада.
Таң атса болды мен жылдам
Телміртіп көзді қадаймын.
Сырт етіп кенет сырылған
Пердені күнде санаймын.
Қылымсып, бойды ұйытқан
Дегендей маған қарап ал!
Ескендей бір жел иықтан
Сырғыды ала орамал.
Бозарған өңі бүлдіршін,
Күрсініп шыдар қанша айға?
Жасырып ойын, кім білсін,
Теңдікті мендей аңсай ма?
Мұңайма, көршім сүйкімді!
Қаласаң - торды бұзармыз,
Жамылып құстай бір түнді
Даланы шарлап ұзармыз.
Ұрлап бер кілтті әкеңнен,
Қыздырсын кенет той бәрін,
Ас-суын маған әкелген
Күзетшіні өзім жайлармын.
Қараңғы түнді таңдап ал,
Әкеңді мас ет, елжірет.
Әйнекке ілсең орамал
Білермін соны белгі деп.



Пікірлер (0)

Пікір қалдырыңыз

Есіңде бар ма күңгірт түн

  • 0
  • 0

Есіңде бар ма күңгірт түн,
Қоштастық біздер кештетіп.
Атылды кенет бір мылтық,
Тұрғанда біздер ес кетіп.

Толық

К...

  • 0
  • 0

Дидарластық,
Душарластық кез келіп,
Діңкелеппіз екеуміз де өзгеріп.
Дүрмек жылдар керуені кідірмей

Толық

Жыла, жыла! Израиль жұрты енді

  • 0
  • 0

Жыла, жыла! Израиль жұрты енді,
Жұлдызыңды жоғалтып;
Жер шеті түнек бүркенді –
Жанбайды қайта ол қайтып:

Толық

Қарап көріңіз