Өлең, жыр, ақындар

Ақындар — бір халық

  • 05.06.2022
  • 0
  • 0
  • 728
Бір ақын жүр ұлымын деп иланып,
"Жұлдыз" аты жетпей біреу жүр налып.
Барлық ақын бір ниетті, бір тілді,
Аз да емес, көп те емес — бір халық!
Ақын азса елдің де сол жобасы,
Ақын аш па ел қайыршы, жоқ асы.
Қаңғып кетсе ақындары "ел ақтап"
Таба алмассың сол халықтың моласын.
Елім деп тек ақын жүрек толғайды,
Ақындарға өкпелеуге болмайды.
Тентек ақын, бақсыз ақын, сорлы ақын
Көптеу болса — елің сондай, сол қайғы.
Ақын жаны — ел рухы, мерейі,
Ақын ойы — даналығы, тереңі.
Ақын деген адам емес — көрсеткіш,
Парасаты, сол елдің дәл дерегі.
Бір ақын жүр ұлымын деп иланып,
"Жұлдыз" аты жетпей біреу жүр налып.
Барлық ақын бір ниетті, бір тілді,
Аз да емес, көп те емес — бір халық!



Пікірлер (0)

Пікір қалдырыңыз

Жайық бойында

  • 0
  • 0

Бір сарынды сезем жеткен жырақтан,
Елестейді бір көмекей жыр атқан.
өз үйімдей, жайлы мекен, ғажап-ай,
Бір-ақ түнеп, атырсам да бір-ақ таң.

Толық

Сұраңдаршы сүйінші

  • 0
  • 0

“Сүйiншiлеп” атой салмас осы күн,
Ұмытқан-ау әдет-ғұрып жосығын.
Ұрандатып келе жатса бiр бала,
Шабар едiм қапталдаса қосып үн.

Толық

Ән

  • 0
  • 0

Таң да жақын, той әлі тарқамаған,
Шырқа солай, өз әнің шырқа балам.
Ән жұпарын сіңіріп манаурайды
Таң алдында анау бел — қырқа, далаң.

Толық

Қарап көріңіз

Басқа да жазбалар