Өлең, жыр, ақындар

Қарағым

  • 05.06.2022
  • 0
  • 0
  • 847
(немерем Досанға)

Қандай еді!.. көркің көз тоймас,
Отыз бес жыл күткен қарағым!
Сағыныш тұнған денеме,
Сезім боп тәтті тарадың.
Айналдым сенің түріңнен,
Сармайдай еріп барамын.
Он төрт жыл бұрын түс көріп,
Батырға Досан баладым.
Есейген мынау шағымда,
Жапырақ болып жалғандың.
Тыштырмай алып түбектен,
Баладай бөбек алдандым.
Байлығым, асыл, барым сен,
Сыйлаған маған Алламның.
Қолыма сені алғанда,
Түсіндім мәнін жалғанның.
Ерніңді бүрсең шошайтып,
Еріксіз денем жиырылды.
Жыласаң, "іңгә", бір сезім,
"Тұрсаңшы, тұр" деп бұйырды.
Арқаңда сенің лап етер,
Ашудан атаң тыйылды.
Өзінде білмей өтерсің,
Сыйлаған маған сыйыңды.
Не ғажап, қарап жүзіңе,
Шаттана, шалқып күлемін.
Кеудеме сыймай тулайды,
Қартайған, сөнген жүрегім.
Сезе гөр мынау тірлікте,
Екенін өзің тірегім.
Еліңді сүйер ер бол деп,
Тәңірден тілек тіледім!
Еліңді сүйер ер бол деп,
Тәңірден тілек тіледім!

Ақтау. 18.05.2004 ж.



Пікірлер (0)

Пікір қалдырыңыз

Құрманғазы күйлері

  • 0
  • 0

Өн бойыңа бал әуен таратылып,
Лаулап, cөніп бал cезім — жаңа, тұнып,
Көрінгенде табиғат анаңдай боп,
Өзің қайта туғандай жаратылып —

Толық

Тау бұлағы

  • 0
  • 0

Моп-момақан қарасаң келбетіне,
Күз өткен соң есейіп, ержете ме?
Ұйқылы-ояу жатқаны тау еркесі
Ақ бесікте, бал-бөбек, тербетіле.

Толық

Ізде өзің қуаныш маңайыңнан

  • 0
  • 0

Әрекетсiз омалып отырады,
Айтатыны баяғы қотыр әнi.
“Ғұрпым азды, қуаныш құрыды” деп
Тұйық суда сасиды, тотығады.

Толық

Қарап көріңіз