Өлең, жыр, ақындар

Қатыгездер қайдан шықты, ағайын?

  • 05.06.2022
  • 0
  • 0
  • 692
Қатыгездер қайдан шықты, ағайын? —
Толып кетті оңым, солым, маңайым.
Ес жиғанша басып кетті арам шөп,
Тағы тарттық бейғамдықтың сазайын.
Қарындасым, әжелердің көзі едің,
Айтшы жаным бұған қалай төземін —
Қандай ана, алпыс тамыр исініп,
Еміреніп емізбесе бөбегін.
Жылдар бойы ата-анасын көрмеген,
Саяқ жүрген, араласпай елменен —
Қара бастың қамын жеген жандар бар,
Өзі тірі, ал сезімін жерлеген.
Бір ошақтан, бір кіндіктен төл деген,
Бауырына ара түсіп көрмеген —
Жалқылардың жан жүрегін қинамас,
Сағыныштан туатұғын шел деген.
Жорықтағы сағынбаған ағасын,
Үлкенінен тартпай кіші сазасын —
Ынтымақтық қайдан, қалай келеді,
Бөліп ішпей өзі тоймас аз асын.
Қатыгездер қайдан, қалай келеді?
Ата ұрпақ өз қолымен егеді.
Кінә бізде, бірақ түсін ойымды,
Жас буыным — содан сақ бол , дегелі.

10.07.1990



Пікірлер (0)

Пікір қалдырыңыз

Құрманғазы күйлері

  • 0
  • 0

Өн бойыңа бал әуен таратылып,
Лаулап, cөніп бал cезім — жаңа, тұнып,
Көрінгенде табиғат анаңдай боп,
Өзің қайта туғандай жаратылып —

Толық

Жол үстінде

  • 0
  • 0

Ойға батқан мен едім жол үстінде,
Созылатын үш күнге, жол, үш түнге.
Өмір қысқа, таусылар осы жолдай,
Шарасынан сол өмір мол іштім бе?

Толық

Нөсер

  • 0
  • 0

Көкшіл теңіз… толқындарға жарылып,
Көздің нұры шексіз бұлттан жалығып.
Бір пәлені сезгендей ме мына тұт,
Дірілдейді қара терге малынып.

Толық

Қарап көріңіз

Басқа да жазбалар