Өлең, жыр, ақындар

Қадырды оқы, қарындас

  • 07.06.2022
  • 0
  • 0
  • 574
Орынсыз өмір сөккенде,
Амалың болмай өктемге,
Содырдан жапа шеккенде,
Ақ-қарасын ашуға
Табылмаса еш пенде,
Аударып кітап парағын,
Қадырды оқы қарағым.
Былғаса өмір батпағы,
Басқанда қайғы батпаны,
Байқалмай таңның атқаны,
Белгісіз күннің батқаны,
Езіліп еңсе жатқаны —
Қадырды оқы, бадақан,
Аймадар сені адақан.
Жүректе сезім өшкенде,
Көңілден сенім көшкенде,
Кешегі досың өш пенде,
Өмірден, жаным, шошыма.
Қадырды оқы, сескенбе,
Көмексіз қалмас еш пенде —
Торыққанда досыңнан,
Табылады қасыңнан.
Қадырды оқы, Қарындас!
Қуанышты кезіңде
Өзіңдей боп төгілер.
Қайғы басса сезімді
Өзіңдей боп үгілер.
Ізеттілік іздесең,
Жоқшыл болар көреген.
Адамшылық іздесең,
Ақылшың болар береген.
Ерді сүйген жар болсаң,
Мейірман ақ баташың.
Нәрестелі жан болсаң,
Мөлдір көзді боташың.
Жан болсаң егер жарым жас,
Дертің болса арылмас —
Бәрібір оқы Қадырды,
Сырласарсың қарындас.
Қадырды оқы, Азамат!
Намысың арды қозғаса
Еріңді атқа салысар.
Жаныңа батқан жараңның
Өзегін бірге алысар.
Білектің күші жетпесе
Қол шоқпар қылышы ұратын.
Өнерге өрең жетпесе
Тұғырың сол ғой тұратын.
Еліңнің қамын ойласаң
Керегенің сол сұңғыла.
Ұлыңды халқым сила, сен,
Әр жолы өлең бір мұра.
Жігіт болсаң намыссыз,
Жүре алмас: сайсыз, қамыссыз,
Іс істей алмас таныссыз —
Бәрі бір оқы Қадырды,
Үйрен қалай өмірде:
Берілмеуді алыссыз,
Сөйлемеуді мәніссіз.

13.12.1988 ж.



Пікірлер (0)

Пікір қалдырыңыз

Ең бастысы "ой" деген оңдырмасым

  • 0
  • 0

Бір басымда бірнеше ғажайып бар,
Әр қайсысы ғаламат ғажайыптар.
Ең бастысы "ой" деген оңдырмасым,
Бірі мақтап, ал бірі, таза айыптар.

Толық

Түн

  • 0
  • 0

Аспаның анау, лаулатып сансыз отты үрген,
Жымыңдап жұлдыз бәрін де көрдім деп күлген.
Қысылар жан жоқ, екеуден екеу қалғанда
Бақытты сол жан, сезімге тәнді өлтірген.

Толық

Күн

  • 0
  • 0

Күн батты да, тірлік біткен тұншығып,
Қартаң тартты тұрған жайнап мың шыбық.
Көлеңкеге айналғандар азалы,
Қараңғыдан жатқандай, бір, мұң шығып.

Толық

Қарап көріңіз