Жерлес теректерге – Темірхан Медетбек

Бұл бетте «Жерлес теректерге» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 825
Шевченко қаласының пионерлерi Шымкент облысынан әкелiнген терек көшеттерiн отырғызды.
(Газеттен).

Сарғайған түздi сан жылдап
ораған жасыл желекке,
желпiнiп шықтың алдымнан,
балауса жерлес теректер.
Аспанның алау күнi өртеп,
бойыңды көмген шаңына,
қатқылдау тидi-ау бұл өлке
сендердiң табандарыңа.
Тойлаған әр бiр жеңiсiн,
ертеңiн күткен сан ойлап,
осынау ел мен жер үшiн
шырқалуы керек қалайда, –
бұлқынтқан тулап, қанды ұрып,
Қашаған айтқан өлеңдей,
айқайлап жатқан алқынып
Атырау дауысы денеңде!
Қаңсытып сенi жал құммен,
өртейдi әлi күн аптап,
шашаңды сүрткен шалғын мен
тамырың тартқан бұлақтар, –
қалды ғой сенен үзiлiп
Қаратау қойнауларында,
балауса балғын қызығың
Сарыағаш, Сайрам бағында.
Қатулы аппақ сақалды
келсе де ақпан қыспенен,
жеңе алмас қатер атаулы
түркiстандықпыз бiз деген.
Өтiне қонып желдердiң
толғанар әлi ойланып,
бұтақтарыңда сендердiң
Маңғыстау бозторғайлары.
Бойыңнан балғын ән бiткен
төгiлсiн сыңсып, өбектеп,
түстiктiк қызу қандықпен,
шырқаңдар жерлес теректер.


Пікірлер (0)

Пікір қалдырыңыз

Жиі қойылатын сұрақтар

Жерлес теректерге өлеңінің авторы кім?

Темірхан Медетбек — осы өлеңнің авторы.

Жерлес теректерге өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жерлес теректерге өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Жерлес теректерге өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері