Өттi күн, өттi күн

Бұл бетте «Өттi күн, өттi күн» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 565
Өттi күн, өттi күн...
Өзен боп сарқырап,
нұр болып жарқырап,
болашақ iстердi
тағы бiр талқылап;
күйiнiп, ашынып,
қайтадан басылып,
бұлқынып тамыры
бұрқырап тасынып,
шығарып есебiн
бүгiн мен кешенiң,
үйiрiп бұлтты
төктi де нөсерiн;
шаттық боп аралап
қанатын сабалап,
мұңайған көздерден
жас болып домалап;
бұрқ етiп төтеннен
дауысын көтерген,
жаманат хабарды
жеткiзген шетелден;
жел болып жеттi де,
дәндерiн септi де
бiр гүлдi солдырып,
бiр гүлдi ектi де,
жанды да шырақ боп,
ақты да бұлақ боп,
үтiр боп, нүкте боп,
леп белгi, сұрақ боп...
өттi күн, өттi күн.


Пікірлер (0)

Пікір қалдырыңыз

Жиі қойылатын сұрақтар

Өттi күн, өттi күн өлеңінің авторы кім?

Темірхан Медетбек — осы өлеңнің авторы.

Өттi күн, өттi күн өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Өттi күн, өттi күн өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Өттi күн, өттi күн өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері