Өлең, жыр, ақындар

Қыс айындағы ақ жаңбыр

  • 07.06.2022
  • 0
  • 0
  • 652
Жауады төгiп ақ жаңбыр
далада гүлдер жоқ бiрақ.
Жауады төгiп ақ жаңбыр
шықпайды бiрақ алдынан
балалар ойнап шапқылап.
Жауады жаңбыр сабалақ
мезгiлсiз кезде кезексiз.
Тоң қатқан сұрқай далаға
дауысы оның қажетсiз.
Өрiсте бiрi қалмады
сиыр мен қойлар, ат бiткен:
Тұнжырап қарсы алмады
мүлгiген бау мен бақ бiткен.
Домалап келген тау жақтан
тасқындар тулап тасқанда —
жаурайды суық саусақтан
бұйығып қара тастар да.
Жылғаны тiлiп жылатқан
төгедi ол ойпаң, койнауға.
Iшпейдi оны, бiрақ та
сiмiрiп шалғын, жайлаулар...
... Ақ жаңбыр, кейде дiрдектеп
құйылар менiң сөзiм де,
тоң қатқан, бiрақ, жүрекке
қажетсiз ол да өзiндей.


Пікірлер (0)

Пікір қалдырыңыз

Зират үстіндегі жаңбыр

  • 0
  • 0

Аспан да бұлтын қуып бiр
осынау тұсқа жинапты.
Ақ нөсер төпеп құйып тұр
үстiне мұңлы зираттың.

Толық

Тiл ұшына келiп-кетiп тұр бiр сөз

  • 0
  • 0

Тiл ұшына келiп-кетiп тұр бiр сөз.
Шашып-төгiп алардаймын бiр күлсем.
Жұлдыздардай, түндi түрткен тыншымай
тiл ұшына келiп-кетiп тұр бiр сөз.

Толық

Шүкір!

  • 0
  • 0

Аяғымның астында —
Алып жер.
Кеудемде — теңіз.
Ал басымда —

Толық

Басқа да жазбалар