Шыңырау – Темірхан Медетбек

Бұл бетте «Шыңырау» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 973
Әбiш Кекiлбаевқа

Шыңырау – өлең,
Шыңырау – күй,
шыңырау – аңыз!
сусап қаңсып жатқан соң құм даламыз
шөлдеп өткен өмiрден түздiк үшiн
шыңырау – өлең,
шыңырау – күй,
шыңырау – аңыз!
Айдаса да қу тағдыр мың iзбенен,
ертеңiнен үмiтiн бiр үзбеген
алтын емес,
басқа емес,
жер астынан
шыңырау қазып қазағым су iздеген.
Екпесе де қылтитып бiр шыбықты
үмiтi оның мың көктеп, мың сыныпты...
Жер астына үңiлiп көзiн сүзiп,
жер астынан iздептi тiршiлiктi.
Суы болмай өмiрден жаза көрген
өрiсi де халқымның тоза берген.
Сонан кейiн бiр белдi таңдап алып
апта қазған,
ай қазған,
қаза берген.
Күйiп тұрған шiлденiң аптабында,
ақырында шаптырған атты ауылға,
дертiп тұрған қара жер желiнiнен
ағыл-тегiл су шығып ақтарылған.
Су-су – деген сол сөздi қалықтаған
қайталаудан адамдар жалықпаған.
Бәйге берiп,
палуан күрестiрiп
той жасаған ғажайып алып далам.
Қуаныштан кемпiр-шал құрақ ұшып
кеткен құс та оралған жырақ ұшып.
...Қара бұлттай қара нар алған екен
кiшiгiрiм көл суын бiр-ақ iшiп...
Табиғаттың таусылмас сазын алған
халқым менiң –
тұратын қазынадан –
осылайша шаттығын,
тiршiлiгiн
жетi қат жер астынан қазып алған!


Пікірлер (0)

Пікір қалдырыңыз

Жиі қойылатын сұрақтар

Шыңырау өлеңінің авторы кім?

Темірхан Медетбек — осы өлеңнің авторы.

Шыңырау өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Шыңырау өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Шыңырау өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері