Қорқамын! – Темірхан Медетбек

Бұл бетте «Қорқамын!» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 12.06.2022
  • 0
  • 0
  • 661
Елiмнiң iргесiнде
Өрт болып жатыр...
Жанымның iшiне
Дерт толып жатыр.
Заманның қабағынан
Қар жауып тұр.
Қар емес.
Қан жауып тұр.
Қатерлi сөздер
Ауғанды бомбылағандай –
Жүрегiмдi! –
Бомбылап жатыр.
Арман, тiлегiм
Қасат қарды бұза алмай
Омбылап жатыр.
Суларыма
У қосып жатқандай.
Елiмдi –
Бүлiкке салам деп! –
Жын басып жатқандай.
Әлденелер
Жалмаңдап кезiп жүр.
Әлденелер
Жалбаңдап безiп жүр.
Шамым мен шырағым
Өшiп бара жатқандай.
Ормандарым
Жерiмдi тастап
Көшiп бара жатқандай.
Өзекке түскен от
Жолымды қуырып тұр.
Көз жасым
Жүзiмдi кесiп,
Омырауымды орып
Құйылып тұр.
Бауларым
Қурап қалардай,
Тауларым
Құлап қалардай –
Қорқамын!


Пікірлер (0)

Пікір қалдырыңыз

Жиі қойылатын сұрақтар

Қорқамын! өлеңінің авторы кім?

Темірхан Медетбек — осы өлеңнің авторы.

Қорқамын! өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қорқамын! өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Қорқамын! өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері