Жер-Ана мен Аспан-Атаға өтініш

О, Жер-Ана,
Мына бір адам
Жер үстіне
Сыймай бара жатыр ғой.
Түйіліп, түнермейсің бе?!
Теңіздеріңнің
Толқынымен соғып,
Тауларыңның
Тастарымен атып
Жоқ қылып жібермейсің бе?!
О, Аспан- Ата,
Мына бір адам
Аспан астына
Сыймай бара жатыр ғой.
Бір “бүлікті” бастамайсың ба?!
Қара бұлттардың
Ішінде ойнап,
Жарқылдап жатқан
Қып-қызыл найзағайлармен —
Қақ айырып! –
Жарып тастамайсың ба?
Осындай карекет
Керек деп
Сендерден
Күн-түні сұрайтын —
Өтініш иесі:
Темірхан Медетбек.

---