Өлең, жыр, ақындар

Тынышыңды алам мен Сенiң

  • 07.06.2022
  • 0
  • 0
  • 1300
Тынышыңды алам мен Сенiң,
Сенiң де,
Сенiң,
Сенiң де –
шығармай жырдың ел-селiн,
тарқамас менiң шерiм де!
Кетуiм үшiн ұққызып,
ақтарып, төгiп барымды, –
тынышыңды алам мен сенiң,
байлаулы жатқан бүк түсiп
үргiзiп телефоныңды.
Өлеңдi сенен iздедiм! –
сөйлей де сөйлей далаға
қаңсып бiр қалған қызыл тiл
жапырақ құсап күздегi
таңдайды жатса сабалап.
Деме сен маған кеш жүрсiң!–
өлеңмен ертiп ақпанды,
тынышыңды алсам мезгiлсiз,
құлаштап ұрып қақпаңды.
Тынышыңды алам, Тау, Дала,
Теңiздер,
Желдер,
Ормандар!
Жатпастан санап саудалап
не берсең, ала беретiн
үмiттей терең дорбам бар!
Миллион рет күнiне
қайғыға,
мұңға түсiрген
танышыңды алам, дүние,
бiр ғана өлең үшiн мен...



Пікірлер (0)

Пікір қалдырыңыз

Құс аулаушы

  • 0
  • 0

Жүредi ол бар облыс, ауданда
арқаланып торлар менен ауларға.
Күн ұзаққа шаршап-талып, әлек боп
құс аулайды көл мен дала, таулардан.

Толық

Залым

  • 0
  • 0

Мына бір жігіттің —
Қулығына ғана емес,
Залымдығына да! —
Құрық бойламайды.

Толық

Түрмеден қашқан адамның шошынуы

  • 0
  • 0

Атадан қалған мұрадай.
Мұңданып күн-түн жылаған –
қысымға қатал шыдамай
түрмеден қашты бiр адам.

Толық

Қарап көріңіз