Өткен күн мен келер күн

Бұл бетте «Өткен күн мен келер күн» атты Темірхан Медетбек жазған өлеңнің мәтіні толық жарияланған.

  • 29.06.2022
  • 0
  • 0
  • 1101
Елімнің
Өткен күндеріне
Көз салсам —
Жою мен қырғын,
Ату мен асу,
Қуғын мен сүргін.
Сол бір
Қатыгез
Өткен күндерден
Жаралы ем.
Солардан безініп
Келер күндерге
Қарап ем.
Тарс бекітулі
Келер күндердің
Қақпасы алдында
Бәрінен күдер үзіп
Әбден азып – тозған
Бейшара Үмітім
Жадап-жүдеп отыр.
Қанаты қырқылып
Сорлап қалған Арманым —
Қайыршыдай! —
Өткен-кеткеннен
Қайыр-садақа
Тілеп отыр...


Пікір қалдырыңыз

Пікірлер (0)

Осы автордың басқа өлеңдері