Мен қазақпын – Nuraisha04

Қазақпын мен қазақпын деп мақтанам,
Қазақпын мен ел үмітін ақтаған.
Қазақпын мен өз жерімде,өз тілім,
Өзге тілмен сөйлесуден сақтанам.

Қазақпын мен жеті атасын жаттаған,
Қазақпын мен елін ешбір сатпаған.
Қазағыма жау шабатын күн туса,
Қазақпын мен оған қарап жатпаған.

Қазақпын мен ар-намысын сақтаған,
Қазағымның жерінде мен бақ табам.
Қазақ болып жүргеніме қуанам,
Қазақ болып туылғаныма шаттанам.

Әрбір қазақ әр қазақтың қонағы,
Жүрегім тек қазақпын деп соғады.
Қазақ тілі барлық тілден әдемі,
Өзге тілге қалай көңіл толады.

Қазақпын мен қазақпын деп мақтанам,
Елім үшін мың жауғада аттанам.
Нағыз қазақ болғаннан соң жүрегім,
Ішімдегі мақтанышты ақтарам.