Көңіл қалды

Көңілім қалды достан да, дұшпаннан да.
"Бауырым" деп баурына қысқаннан да.
Көңілім қалды ағайын туысқаннан.
Қалды көңіл шын сүйіп құшққаннан да.

Қалды көңіл бәрінен , жалғандықтан.
Бос әуреге бәрі де салғандықтан.
Керек емес бетіме күлгендерің.
Керек емес сезімің қалған-құтқан.

Сынған ыдыс қалпына келеді ме?
Жамап-жасқап сынықты керегі не?
Дәл осылай көңілді қалдырып ап
Қайта келіп тұрудың керегі не?

Жалған бәрі, алдамшы күлгендерің.
Жанашыр боп жанымда жүргендерің.
Бәріңді де өзімдей ақжүрек деп.
Қулығыңды іштегі білмегенмін.

Жетер енді, мазамды алма шырақ.
Керек емес бір сәттік алдамшы бақ.
Менсіз де көңілдерің көл-көсірғой.
Сендерсіз де бақытты алғам құрап.