Өлең, жыр, ақындар

Тезірек көргім келеді

  • 10.07.2022
  • 0
  • 0
  • 866
Бүгінгі бір көз көрген
Нарын құмын жырладым,
Кезіңде ертең өзгерген
Баспас қайта жырға кім.
Бүгінгі құм суретін
Ұмытып, күндер келелі,
Келешек сұлу келбетін
Тезірек көргім келеді.
Мұнда сусыз сазарған
Сараң аспан, сары құм,
Сарқырап ағар сайлардан
Өзені жоқ, жары құм.
Адам қолы бірақ та,
Жайықтан, не Волгадан
Толқын төкпей тұрмақ па,
Көл жасауға Ордадан?!
Не бұл құмға қақсыған
Толқындар жер астымен
Келер, бәлкім, шапшыған
Көгала бұйра Каспийден?!
Ертең-ақ сары құмдарға
Сарқырап өзен келеді,
Ысырып тастап құмды
Орда Теңізге құлаш кереді.
Көңілім соны ақсауда,
Теңізін алда көрермін,
Ордаға бір күн мен сонда
Кемемен жүзіп келермін!
Сонда жолдас-жараным
Теңізден мені қарсы алар,
Кеменің қызыл жалауын
Жырларым шырқап жар салар.

1957



Пікірлер (0)

Пікір қалдырыңыз

Мерген бала

  • 0
  • 0

Демалыс күн дайындап,
Жазып, жаттап сабағын,
Көшеге шыққан адымдап
Балаға көз саламын.

Толық

Ньюстед аббаттығынан аттанарда

  • 0
  • 0

Ньюстед! Жел сабалап шарбағыңды
Адра қалғандай бір ата мекен,
Солдырып жайнап тұрған гүл басынды,
Баулардың басып үстін жатыр тікен.

Толық

Ақын анты

  • 0
  • 0

Қуанғаннан шарқ ұрамын,
Ұлы сыйға жаным күлген;
Сыйы асыл партияның
Ақындардың жанын білген!

Толық

Қарап көріңіз