Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Қақса бұлбұл таңдайын

Тайыр Жароков

Қақса бұлбұл таңдайын

  • 10.07.2022
  • 0
  • 0
  • 470
Аласапыран қар кетіп
Қыр қарсы алса көктемін,
Теректі жел тербетіп,
Жылыта түсер көкте күн.
Дала шешіп ақ тонын,
Тау бүйірі бу атып,
Бұлақтар толқын төккенін
Көрсең шыңнан құлатып,—
Тас емшегін бұлт еміп
Керілер кербез Алатау,
Тұрғандай-ақ тіркеліп
Төбесі күміс қарлы отау...
Алма бағы Алматы
Арайлана тұрса бір,
Ақ көбелек қанаты
Секілді — әсем жарса гүл...
Жаздың әнші қонағы
Қақса бұлбұл таңдайын,—
Көкейіме қонады,—
Менің де, тәтті талай үн...

1958

Тайыр Жароков қақса бұлбұл таңдайын Тайыр Жароков өлеңдері

Пікірлер (0)

Пікір қалдырыңыз

Өзіңе ұқсас

  • 0
  • 0

Жас қайыңның тізілген
Бүршік атып өзегі
Секілді жас қыз киген
Шыт көйлектің безегі.

Толық

Днепр

  • 0
  • 0

Ой - қой, шіркін Днепр!
Жағаңды жырта жау жайлап,
Дегендей ақпай тұра тұр,
Ойқастап еді шаужайлап.

Толық

Талмас тұлпар

  • 0
  • 0

Мұз мұнара Алатаудың
Әппақ күміс басымда;
Алтын бұлт ұйықтап тұрды,
Маужырап жартасында.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер