Тайыр Жароков

Теңіз толқындары

Бұл бетте «Теңіз толқындары» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.07.2022
0
0
1802

Толқындары теңіздің
Толқыны емес өзеннің,
Кетеді үзіп ол тізгін
Алдында нақ көзіңнің.
Тентек теңіз толқыны
Аспанға атса ақ жалын,
Мың бүктеліп толқыды,
Құшаққа ала жан-жағын!
Атылса ол тауға алыс,
Алатындай апшыңды,
Шегініп кеп, жолбарыс
Секілді үске шапшиды!
Тау толқындар аптығып,
Жарды жебе сауады,
Көбігін аппақ лақтырып,
Төсіңе төге салады.
Атылса үске ұғасың,
Ақ көбік толқын соғылып,
Сонда бір, шіркін, шығасың
Ақ күміске шомылып!..
Толқындар бейне өмірдей
Ағады алға, жоқ тұрыс,
Арман не өмір лебін дей
Өлеңім шашса ақ күміс?!

Тайыр Жароков теңіз толқындары Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар