Өлең, жыр, ақындар

Қыздың тамшы көз жасы

  • 10.07.2022
  • 0
  • 0
  • 1183
Қыз көзіне жас алар,
Қатты,
я тәтті минутта..,
Дірілдесін қос анар,
Жүрегін жаз үн қат та...
* * *
Рицаның жолында,
– «Анау, Шерба тауы!» – деп
Шал бір шыңның жонында
Сөйлеп кетті,
қағып иек:
«Шербачидзе ордасы
Тұрған сонау үш таған,
Әйелдікке тауда осы
Он екі қыз ұстаған.
Кенже әйелін оңаша
Шың қорғанда бағыпты,
Көрікті екен тамаша,
Жылап көзі ағыпты...
Кенет бір түн тас болып,
Сұлу семіп қалыпты,
Қара тасқа жас толып,
Тастан тамшы тамыпты...»
Жалт қарасам: көк тастан
Көз жасындай тамшы ағып,
Тұрды сырын ашпастан,
Тілсіз жартас томсарып!..
Ол бір бағы заманның
Өткен мұңды ізі де,
Әжімі ескі мұң-зардың
Қалыпты тас жүзінде...



Пікірлер (0)

Пікір қалдырыңыз

Тек таңғала қарайды

  • 0
  • 0

Жапырақ жұлып жаутаңдап,
Тәкаппарсып түйелер,
Жүр жатуға жай таңдап,
Емес құмға үйелер.

Толық

Берлинге

  • 0
  • 0

Күркіреп кәрі Карпаттан
Кәрін төккен бұлтты айдай,
Жарқылдап оқтар жан-жақтан —
Нажағайдай көкте ойнай,—

Толық

Бүгінгі кеш

  • 0
  • 0

Шадыман кешті бүгін шолғанымда
Шат қала алтын көзді шамдары да
Жарқырап, нұрын төкті, сәуле шашып,
Жайнаған әр үйдің бір шарбағында.

Толық

Қарап көріңіз