Бәйтерек тамыры

Сәл өткінші жаңбыр жуған
Сыланып бір сай мен сала,
Жалын жұта жаны нұрдан
Тұр балбырап балғын дала.
Жер – бәйтерек тамырына
Қуат беріп аспандатқан,
Жапырағын таң нұрына
Жайқалта гүл шашқан нарттан.
Ұқ, суретші, саяларсың
Түбіне осы бәйтеректің,
Ұқпасаң сен сала аларсың
Суретін дәл қай теректің?
Жайқалтқан зор бәйтеректі
Жер ананы алып деп біл,
Ұстап тұрған бар тірлікті
Сенің күшің халық деп біл!

---